الطريق الأفضل لتعلم اللغه الألمانيه

الأبلكيشن ده أنا أقدر أضمنلك انه هيخلي مستواك في الألماني أو في أي لغه يتشقلب حرفياً. وانا هنا بقول أي لغه لان الأبلكيشن ده عليه لغات كتيره جداً زي الأسباني والانجليزي وحتي الصيني ، يعني مش بس ألماني. ومتحمل أكتر من 10 مليون مره علي جوجل بلاي.

– وتقدر تحمله من هنا للأندرويد 👈 Busuu .
– وكمان تقدر تحمله للأي أو اس من هنا 👈 Busuu .

أنا شخصياً جربت الأبلكيشن ده في لغتين لحد دلوقتي وهما الإنجليزي والألماني ، وباذن الله لسه فيه لغات تانيه جايه في الطريق كمان. وبجد أبلكيشن تحفه بكل المقاييس.

بس يا تري ايه النظام اللي هتمشي بيه عشان تطلع بأفضل استفاده؟

بص يا معلم ، الأبلكيشن ده متقسم لمستويات من أول A1 اللي هو المستوي الأول لغاية ما يوصل معاك ل B2 اللي هي مرحلة اتقان اللغه. والكلام ده في كل اللغات اللي في الأبلكيشن مش بس الألماني. فانا عايزك كل ما تخلص مستوي في الأبلكيشن ، تروح لأكبر قناه علي اليوتيوب لتعليم اللغه الألمانيه وهي قناة Easy German.

والقناه دي هتخليك تشوف اللغه الألمانيه والألمان نفسهم وهما بيتكلمو علي أرض الواقع. والمميز أكتر بقا انهم بيتكلمو علي قد المستوي بتاعك ، فهتلاقي في البلاي ليست عندهم المستويات كلها من أول A1 لحد B2 .

وده لينك القناه برضو بدل ما تقعد تدور عليها 👈 Easy German .

مثال : انت دلوقتي خلصت المستوي الأول في الأبلكيشن اللي هو A1 حلو؟ هتبدأ المستوي التاني اللي هو A2 عادي زي مانت. بس هتزود عليه كمان انك هتروح لقناة Easy German علي يوتيوب وتتابع معاها فيديوهات المستوي الأول A1.

وبكده انت هتكون بتاخد مستوي جديد ، وتراجع علي المستوي القديم في نفس الوقت. وكمان بتدرب نفسك انك تسمع لناس Native speakers يعني متحدثين اللغه الأصليين.

وهتفضل ماشي كده لحد ما توصل لمستوي B1 علي الأبلكيشن. وهنا هنضيف كمان حاجتين ( معلش بتقل عليك أنا عارف😂بس أنا عايزك تبقا جامد في الألماني❤ ).
والحاجتين دول هما 👈 البودكاست وتطبيق Hello Talk وهفهمك كل واحد منهم بالتفصيل…