الطريق الأفضل لتعلم اللغة الإنجليزية

الطريق الأفضل لتعلم اللغه الإنجليزيه
ازاى تتعلم انجليزى في سنة 2023

مقدمه عن الموضوع

طبعاً مش محتاج أقولك ان الإنجليزي مش بس بقا حاجه مهم جداً انك تتعلمها. لا ده بقا حاجه أساسيه دلوقتي. وده لأن أغلب أو كل المجالات دلوقتي بتحتاج فيها اللغة الإنجليزية.

ده طبعا غير كمية الفرص الرهيبه اللي هتكون متاحه قدامك بمجرد بس ما تتعلم انجليزي. وبما انك دخلت هنا فانت أكيد عارف كل الكلام ده.

بس في نفس الوقت مش عارف ازاي تبدأ تتعلم انجليزي.

وعشان كده أنا جايبلك انهارده خلاصة تجربتي مع اللغه الإنجليزيه بعد أكتر من 120 يوم بتعلم وبمارس اللغه. ووصلت لمرحلة الإتقان بفضل الله في مده مش كبيره بس ده لاني كنت بدرس كل يوم ساعات كتيره شويه.

وانهارده هشارك معاكم أفضل طريق منظم ومناسب عشان تتعلم انجليزي وانت قاعد في البيت.
وكل اللي هتحتاجه هو الموبايل بتاعك فقط لا غير.

خريطة تعلم اللغة الإنجليزية

علشان تطور نفسك في أي لغه بتحتاج تطور نفسك في كذا مهاره باللغه دي ، زي مهارة القراءه والكتابه والاستماع والتحدث ، وعشان كده الخريطه اللي أنا عاملها باذن الله هتركز علي كل جوانب اللغه.

يعني لو عملت اللي هقولهولك في المقال ده باذن الله هتوصل لمرحلة إتقان اللغة الإنجليزية ، مش مجرد ان مستواك يكون معقول في اللغه وخلاص. بس أهم حاجه يكون عندك صبر وإراده علشان تفضل تطور من نفسك كل يوم ، والموضوع يتحول لعاده في يومك تعملها من غير ما تحس انها تقيله عليك.

ودلوقتي خلوني بقا أقولكم علي الخريطه اللي هنمشي عليها :

في البدايه احنا هنستعمل أبلكيشن أساسي هيكون موجود معانا طول الطريق ، وبعد تجربة تطبيقات كتييييره لتعلم اللغة الإنجليزية لقيت أبلكيشن جبار الحقيقه ، والسيستم بتاعه فوق الممتاز . وكمان بيخليك تراجع كتير جداً جداً لدرجة انك مش هتحتاج تمسك ورقة وقلم حتي طول المشوار.
أي نعم اسم الأبلكيشن ويرد شويه 😂 بس صدقوني جامد ، والأبلكيشن ده هو Busuu .

1 – تطبيق Busuu

الأبلكيشن ده أنا أقدر أضمنلك انه هيخلي مستواك في الإنجليزي أو في أي لغه تانيه يتشقلب حرفياً ، وانا هنا بقول أي لغه ؛ لان الأبلكيشن ده عليه لغات كتيره جدا زي الأسباني والألماني وحتي الصيني يعني مش بس انجليزي ، ومتحمل أكتر من 10 مليون مره علي جوجل بلاي.

– وتقدر تحمله من هنا للأندرويد 👈 Busuu .
– وكمان تقدر تحمله للأي أو اس من هنا 👈 Busuu .

أنا شخصياً جربت الأبلكيشن ده في لغتين لحد دلوقتي وهما الإنجليزي والألماني ، وباذن الله لسه فيه لغات تانيه جايه في الطريق كمان. وبجد أبلكيشن تحفه بكل المقاييس. بس يا تري ايه النظام اللي هتمشي بيه عشان تطلع بأفضل استفاده؟

بص يا معلم ، الأبلكيشن ده متقسم لمستويات من أول A1 اللي هو المستوي الأول لغاية ما يوصل معاك ل B2 اللي هي مرحلة اتقان اللغه. والكلام ده في كل اللغات اللي في الأبلكيشن مش بس الإنجليزي. فانا عايزك كل ما تخلص مستوي في الأبلكيشن تروح لقناه علي اليوتيوب اسمها Listening Time ، والقناه دي هتلاقي فيها واحد أجنبي بيتكلم انجليزي علي قد المستوي بتاعك ، فهتلاقي في البلاي ليست عنده المستويات كلها من أول A1 لحد B2.

وده لينك القناه برضو بدل ما تقعد تدور عليها 👈 Listening Time .

مثال : انت دلوقتي خلصت المستوي الأول في الأبلكيشن اللي هو A1 حلو؟ هتبدأ المستوي التاني اللي هو A2 عادي زي مانت بس هتزود عليه كمان انك هتروح لقناة Listening Time علي يوتيوب وتتابع معاها فيديوهات المستوي الأول A1.

وبكده انت هتكون بتاخد مستوى جديد وتراجع علي المستوى القديم في نفس الوقت ، وكمان بتدرب نفسك انك تسمع لناس Native speakers يعني متحدثين اللغه الأصليين.

وهتفضل ماشي كده لحد ما توصل لمستوي B1 علي الأبلكيشن ، وهنا هنضيف كمان حاجتين ( معلش بتقل عليك أنا عارف😂بس أنا عايزك تبقا جامد في الإنجليزى❤ ).
والحاجتين دول هما 👈 البودكاست وتطبيق Hello Talk وهفهمك كل واحد منهم بالتفصيل :

2- تطبيق Google Podcasts

الأبلكيشن ده مش بس هيساعدنا في تعلم الإنجليزية ، لا ده هيساعدك في أي حاجه في حياتك. وده لأن عليه كمية بودكاستس ملهاش عدد ، وتقريباً في أي مجال ممكن يخطر علي بالك. يعني لو حابب تنمي مهاراتك في أي حاجه فصدقني الأبلكيشن ده هيساعدك جداً.

ولو متعرفش يعني ايه بودكاست فده بكل اختصار عباره عن مقاطع صوتيه بتتكلم عن موضوع معين زي تطوير الذات او الكتب او اللغات او البيزنس او الدين.

فلو انت بيضيع منك وقت في المواصلات أو الطريق ، فانت ممكن تستعمل الهاند فري او الاير بودز وتسمعلك بودكاست وانت ماشي ولا حاجه. ممكن تسمعلك فيه كلمتين يفرقو معاك في حياتك كلها.

بس في الخريطه بتاعتنا هنا احنا محتاجين منه بودكاست واحد بس ، وهو لنفس الشخص اللي عامل القناه اللي قولتلكم عليها فوق اللي هي قناة Listening Time. والبودكاست برضو بنفس الاسم ، بس البودكاست مش خاص بمستوي محدد ، وعشان تسمعه وتفهم أغلب الكلام هتحتاج زي ما قولتلك انك تكون في مستوي B1 مثلا أو B2.

– وده لينك تحميل الأبلكيشن للأندرويد 👈Google Podcasts .
– وده لينك التحميل علي أي أو اس👈Google Podcasts .

-وده لينك البودكاست برضو عشان متدورش كتير 👈 Listening Time .

وتاني حاجه هتحتاج تضيفها لما توصل مستوي B1 هي تطبيق Hello Talk.

3- تطبيق Hello Talk

بمجرد ما توصل مستوي B1 فانت دلوقتي بقا عندك انجليزي يكفيك انك تبدأ تمارس اللغه مع ناس أجانب. عشان تبدأ بقا تشيل رهبة اللغة من عندك وتطور مستواك أكثر وأكثر في اللغة فانت لازم تبدأ تمارس اللغه. والخطوه دي مهمه جداً جداً لأن اللغة من غير ممارسه ملهاش لازمه.

وعشان تعمل كده هتلاقي قدامك خيارات كثيره منها المجاني زي أبلكيشن Hello Talk ومنها المدفوع زي أبلكيشن Cambly .

بس للأسف أبلكيشن كامبلي لقيته غالي شويتين ، وأنا حاولت أقلل التكلفه علي قد ما أقدر فدورت لحد ما لقيت بديل مجاني وحلو جداً وهو Hello Talk.

من خلال الأبلكيشن ده هتقدر تمارس اللغة مع ناس بتتكلم انجليزي وبطرق مختلفه زي الصوت أو الفيديو أو الشات. وعن تجربه يعني الموضوع كان جميل وممتع جداً.
لكن لو الفلوس مش فارقه معاك فأعتقد Cambly هيكون خيار ممتاز.

– وتقدر تحمل Hello Talk للأندرويد من هنا 👈 Hello Talk .
– وكمان تقدر تحمله للأي أو اس من هنا 👈 Hello Talk .

الخلاصه

لو كل يوم أخذت من وقتك بس ربع ساعه أو نصف ساعه تطور فيهم الإنجليزي بتاعك ، وتعمل الحاجات اللي انا قولتها دي. بإذن الله في خلال كام شهر هتلاقي مستواك في الانجليزي اتشقلب حرفياً. والإنجليزي ده مش هيمثلك أي مشكله في حياتك تاني أبداً.

بس أهم حاجه الصبر والاستمراريه.

وده فيديو عملته عن الموضوع ده برضو ممكن تشوفه لو حابب :

وأخيراً أتمني تكون استفدت من المقاله دي ، وأتمني أني مكونش ضيعت وقتك في الفاضي ، بالتوفيق يا صديقي❤.

مواضيع مقترحه :

26 thoughts on “أفضل طريق لتعلم اللغة الإنجليزية من الصفر بالموبايل فقط”

  2. Zaid Aqeel

    السلام عليكم عبدالله ، اسمي زيد من العراق ، ادرس طب ، انا حالياً مستواي في الانكليزي حسب الاختبار ( اي تو ) ولكن انا بديت تعلم انكليزي من جد وجديد ، ولكن سؤالي هو ، انا اتعلم حالياً على برنامج طاليق + برنامج تعلم اللغة الانكليزية ، الثنين لدكتور عادل ابراهيم وانتَ تعرفه ، فهل يا ترى اوصل باستمراري لنفس المستوى الي يطيني اياه بوسو او مو نفس المستوى ، ولكن انا جربت الاثنين واشوف انو محاضرة كمحاضرة دكتور عادل افضل وانو افتهم افضل من انو بوسو ، صح درسين في اليوم ولكن ايظاً مريح كوقت كوني ادرس طب ، واخيراً اريد جوابك + وكم يوم برأيك اذا استمر يومياً فقط درسين حوصل لمستوى ( بي تو ) وشكراً

    Reply
    1. Abdallah Elsayed

      لا مستر إبراهيم فوق الممتاز وهيوصلك لمرحلة اتقان اللغه باذن الله بس أهم حاجه الصبر والاستمراريه أيا كان المصدر

      Reply
      1. عمرو ناصر

        عاوز اتعلم اللغه الانجليزيه علشان اشتغل بيها ضروري انا كمان 15يوم واسيب الشغل
        ي رأت تساعدني

        Reply
      2. ساره محمد

        عبدالله الله انا بعت ليك كتير علي انستجرام وكنت حابه اشترك معاكم بس مردتش عليا بدأت ابدأ افتح برنامج ذا امريكان انجلش لمستر اب براهيم عادل وحرفيا ممتاز وانا قربت اخلص اول مستوي اكمل ولا لازم Busso وكمان هل مستر ابراهيم عادل هيديني شهاده علي نهايه اول مستوي ولا لا

        Reply
    1. ساره محمد

      عبدالله الله انا بعت ليك كتير علي انستجرام وكنت حابه اشترك معاكم بس مردتش عليا بدأت ابدأ افتح برنامج ذا امريكان انجلش لمستر اب براهيم عادل وحرفيا ممتاز وانا قربت اخلص اول مستوي اكمل ولا لازم Busso وكمان هل مستر ابراهيم عادل هيديني شهاده علي نهايه اول مستوي ولا لا

      Reply
  6. عمرو ناصر

    انا عاوز اتعلم الانجليزي علشان تشتغل بيها ضرور انا فاضلي كام 15يوم واسيب الشغل الا انا فيها وحاولت كذا مرة بس للاسف بتخنق منها وبسببها علشان مفيش تشجيع ي رأت تساعدني في الموضوع ده

    Reply
  7. عمرو ناصر

    في شوية أخطاء في الكومنت. بتاعي معلش علشان متوتر اول مرة اطلب حاجه من حد

    Reply
  10. karim mohamed ali

    انا بكتب الكونت ده دلواتى بتاريخ 15/2/2023 انا حرفيا عندى عقده من الانجليزى جربت كل المصادر بس مفيش حاجه جايه سكه معيه خالص وان شاء الله همشي على الخطه بتعتك من انهرضه والله المستعان توكلت على الله

    Reply
  14. نسرين اسماعين

    سلام عليكم ورحمة الله وبركاته انا طلاب مدرسة صف 9
    مستوي في اللغة انكلش مو منيح انا وصلت مستوي A 2 في برنامج busuu بدي منك تعطيني كلام منشان استمر في تعلمي انجلزية

    Reply
  15. Eslam

    عبد الله انا بحبك وبحترمك يسطا وانتا شخص محترم ومثال كويس للشباب والله كان عندي سؤال انا قدامي دلوقتي طليق وقدام بوسو معايا الاتنين ومش عارف امشي ف اي انا بدأت ف طليق وماش كويس بس ماشي ببطيء جدا وانا عايز اعمل إنجاز ف وقت قليل وخايف ابدأ الاتنين مع بعض اتلغبط ومش عارف بوسو كامل كدا زي طليق وفيه جرامر حلو وتأسيس لغوي حلو ولا اي ياريت ترد وتفيدني وشكرا مقدما

    Reply
  16. ايمن حسين محمد

    السلام عليكم كيف حالك
    اتمنى أتقن اللغة الانجليزية وادخل الجروب والله لي
    اكثر من سنة احاول اتعلم انجليزي وما قادر اتمنى
    ادخل الجروب هذا الرقم بتعي
    0533465513

    Reply
  18. Sidi

    أهلا فيك شكرا على نصائحك ومشاركتك لتجربتك الشخصية في التعلم لكن لا أوافقك الرأي بخصوص .بوسو. فهو تطبيق سريع يحفظك كلمات فقد اشتركت فيه لمدة شهر وتجاوزت أي 1 وأخذت أول شهادة لكن ماتعلمته لم يثبت في رأسي لا أحس أنني فعلا تعلمت فهو يربط لك اللغة بالترجمة وأحيانا يكون للجملة معاني أخرى ولم أكن أدرسه لوحده من أجل أن لا تقول السبب هو
    عدم دراستك لشيئ آخر معه على العموم أريدك منك أو من أي شخص درس في طليق يعطيني تجربة إن كانت جيدة

    Reply

Leave a Comment

Your email address will not be published. Required fields are marked *

Scroll to Top