مطار المانيا

ألمانيا بتعتبر واحده من الدول العظمي علي مستوي العالم ، وأعتقد أي حد بيحلم يسافر ألمانيا ويشتغل هناك بسبب كل المميزات اللي الدوله بتعطيهالك ومستوي الدخل المرتفع هناك ، وكمان دلوقتي بسبب ان ألمانيا بتعاني من نقص شديد في العماله فأبواب الهجره مفتوحه علي آخرها لأي حد حابب يسافر يشتغل هناك ، ومش بس كده دول كمان سهلو موضوع انك تاخد الجنسيه الألمانيه ، واسأل علي أي وظيفه باللغه الألمانيه هتلاقي مرتبتها حلوه جدا ، حاجه زي الكول سنتر الألماني مرتباتهم أقل حاجه في رينج 12 ألف جنيه مثلاً ، وأكبر عائق ممكن يقابلك في الموضوع ده كله هو اللغه الألمانيه ، وده لان الألمان عندهم اعتزاز بثقافتهم ولغتهم ، وعشان تتكلم معاهم ضروري تتعلم لغتهم اللي هي اللغه الألمانيه. وأنا انهارده باذن الله جايبلك خلاصة تجربتي مع اللغه الألمانيه ، ومن وجهة نظري ده أفضل طريق ممكن تمشي فيه عشان توصل لمرحلة اتقان اللغه الألمانيه في أقل فتره ممكنه وبأقل تكلفه ممكنه كمان ، ولو انت سألت علي أسعار كورسات اللغه الألمانيه الخرافيه دي أكيد هتكون عارف كويس أوي ان الموضوع مكلف جدا ، بس أنا انهارده باذن الله جايبلك خريطه تمشي عليها هتبقا مناسبه لأغلب الناس باذن الله وبتكلفه متعديش 500 جنيه وممكن كمان متدفعش فلوس خالص.